കോടതിയിലെ പ്രോപ്പർട്ടി റൂം കുത്തിത്തുറന്ന് മോഷണം: തൊണ്ടിമുതലായ 15 കിലോ കഞ്ചാവ് നഷ്ടപ്പെട്ടതായി സൂചന

വയനാട് സുൽത്താൻ ബത്തേരിയിൽ കോടതി പ്രോപ്പർട്ടി റൂം കുത്തിത്തുറന്ന് മോഷണം. തൊണ്ടിമുതലായി സൂക്ഷിച്ച 15 കിലോ കഞ്ചാവ് നഷ്ടപ്പെട്ടതായി സൂചന. സുൽത്താൻബത്തേരി മുനിസിഫ് ഫസ്റ്റ്ക്ലാസ് മജിസ്ട്രേറ്റ് കോടതിയിലാണ് കഴിഞ്ഞദിവസം രാത്രി മോഷണം നടന്നത്. കേണിച്ചിറ, പുൽപ്പള്ളി പരിധിയിലെ കേസുകളാണ് പ്രസ്തുത കോടതി കൈകാര്യം ചെയ്തിരുന്നത്.

പ്രോപ്പർട്ടി റൂമിലെ താഴ്തകർത്താണ് മോഷണം നടന്നത്. സമുച്ചയത്തിലെ ഇരുമ്പു വാതിലുകളും മോഷ്ടാവ് തുറന്നിട്ടുള്ളതായി അന്വേഷണസംഘം കണ്ടെത്തി. സംഭവത്തിൽ ഡോഗ് സ്ക്വാഡും, വിരലടയാള വിദഗ്ധരും സംയുക്തമായി പരിശോധന നടത്തി. റൂമിൽ നിന്ന് ഇനിയെന്തെങ്കിലും നഷ്ടപ്പെട്ടിട്ടുണ്ട് എന്ന് വിശദമായ അന്വേഷണം നടത്തുകയാണ് പൊലിസ്