ട്രെയിനില് ഓടിക്കയറാന് ശ്രമിക്കുന്നതിനിടെ ട്രെയിനിനും പ്ലാറ്റ്ഫോമിനുമിടയില് വീണ പെണ്കുട്ടി അത്ഭുതകരമായി രക്ഷപ്പെട്ടു
- Kerala
dailyvartha.com
- 0
- 1 minute read
കണ്ണൂര്: നിര്ത്തിയിട്ടിരുന്ന ട്രെയിന് നീങ്ങിത്തുടങ്ങുമ്പോള് ട്രെയിനില് ഓടിക്കയറാനുള്ള ശ്രമത്തിനിടെ ട്രെയിനിനും പ്ലാറ്റ്ഫോമിനും ഇടയില് വീണ പെണ്കുട്ടി അത്ഭുതകരമായി രക്ഷപ്പെട്ടു. ഇരിട്ടി സ്വദേശിയായ 19കാരിയാണ് അപകടത്തില് നിന്ന് തലനാരിഴയ്ക്ക് രക്ഷപ്പെട്ടത്. ചെറിയ പരിക്കുകള് മാത്രമേ ഉള്ളൂ.
ഞായറാഴ്ച രാവിലെ കണ്ണൂര് റെയില്വേ സ്റ്റേഷനിലാണ് സംഭവം. പുതുച്ചേരി-മംഗളൂരു ട്രെയിനിലാണ് പെണ്കുട്ടി യാത്ര ചെയ്തിരുന്നത്. തലശ്ശേരിയില് നിന്ന് മംഗളൂരുവിലേക്കായിരുന്നു അവളുടെ യാത്ര. ട്രെയിന് നിര്ത്തിയപ്പോള് കണ്ണൂര് റെയില്വേ സ്റ്റേഷനില് നിന്ന് ബിസ്ക്കറ്റും മറ്റും വാങ്ങാന് ഇറങ്ങിയതായിരുന്നു പെണ്കുട്ടി.
സാധനങ്ങള് വാങ്ങുന്നതിനിടെയാണ് ട്രെയിന് എടുക്കുന്നത് കണ്ടത്. ഇതുകണ്ട പെണ്കുട്ടി സാധനങ്ങളെല്ലാം കടയില്തന്നെ വച്ച് ട്രെയിനില് ഓടിക്കയറാന് ശ്രമിക്കുകയായിരുന്നു. ഇതിനിടെയാണ് ഇവര് ട്രെയിനിനും പ്ലാറ്റ്ഫോമിനും ഇടയില് വീണത്. ഉടന് തന്നെ ട്രെയിന് നിര്ത്തുകയും പെണ്കുട്ടിയെ രക്ഷപ്പെടുത്തുകയുമായിരുന്നു. പെണ്കുട്ടിയെ കണ്ണൂര് ജില്ലാ ആശുപത്രിയില് പ്രവേശിപ്പിച്ചു പ്രാഥമിക ചികിത്സകള് നല്കി. ശേഷം മറ്റൊരു ട്രെയിനില് മംഗളൂരുവിലേക്കുള്ള യാത്ര തുടരുകയായിരുന്നു.
