ബംഗളുരു: കേരളത്തിലേക്ക് പുറപ്പെട്ട സ്വകാര്യ ബസ് കർണാടകയിൽ വെച്ച് മറിഞ്ഞ് നിരവധി പേർക്ക് പരുക്കേറ്റു. കർണാടകയിലെ ഹുൻസൂരിൽ വെച്ചാണ് ബസ് അപകടം ഉണ്ടായത്. ബംഗളുരുവിൽ നിന്ന് കേരളത്തിലേക്ക് വന്ന ബസാണ് അപകടത്തിൽപ്പെട്ടത്. രാത്രി 12 മണിയോടെയാണ് അപകടം. എസ്.കെ.എസ് ട്രാവൽസിന്റെ ഉടമസ്ഥതയിലുള്ള എ.സി സ്ലീപ്പർ ബസാണ് അപകടത്തിൽപ്പെട്ടത്. ബസ് നിയന്ത്രണംവിട്ട് കുത്തനെ മറിയുകയായിരുന്നു എന്നാണ് വിവരം. അപകടത്തിൽ യാത്രക്കാരായ നിരവധി പേർക്ക് പരുക്കേറ്റിട്ടുണ്ടെങ്കിലും ആരുടെയും നില ഗുരുതരമല്ല. പരുക്കേറ്റ എല്ലാവരെയും ആശുപത്രിയിൽ പ്രവേശിപ്പിച്ചു.Read More
