വ്യാജമദ്യം കഴിച്ച് ഒന്പത് മരണം; നിരവധി പേര് ചികിത്സയില്
- National
dailyvartha.com
- 0
- 1 minute read
തമിഴ്നാട്ടിലെ കള്ളക്കുറിച്ചിയില് വ്യാജമദ്യം കഴിച്ച് ഒന്പത് പേര് മരിച്ചു. 20 പേരെ അടുത്തുള്ള സര്ക്കാര് ആശുപത്രിയില് പ്രവേശിപ്പിച്ചു. ചൊവ്വാഴ്ച രാത്രി ഒരുകൂട്ടം കൂലിപ്പണിക്കാര് വ്യാജ മദ്യവില്പ്പനക്കാരില്നിന്ന് മദ്യം വാങ്ങിക്കഴിച്ചെന്നും ഇവര് വീട്ടിലെത്തിയതുമുതല് അസ്വസ്ഥത പ്രകടിപ്പിച്ചിരുന്നുവെന്നും പോലീസ് പറഞ്ഞു. തലവേദന, ഛര്ദി, തലകറക്കം, വയറുവേദന, മനംപിരട്ടല്, കണ്ണിന് അസ്വസ്ഥത എന്നിവ പ്രകടിപ്പിച്ചതിനെത്തുടര്ന്നാണ് ഇവരെ ആശുപത്രിയില് പ്രവേശിപ്പിച്ചത്.
അതേസമയം, മരണകാരണം പരിശോധിക്കേണ്ടിയിരിക്കുന്നുവെന്ന് ജില്ലാ കലക്ടര് ശ്രാവണ് കുമാര് അറിയിച്ചു. മൂന്നുപേര് വീട്ടില്വെച്ചാണ് മരിച്ചത്.
