ബ്രൈഡ് ടു ബി ആഘോഷമാക്കി ഗോപിക; വിവാഹത്തിന് ഇനി ദിവസങ്ങൾ മാത്രം

വിവാഹാഘോഷങ്ങൾക്ക് തുടക്കമിട്ട് ഗോപിക അനിൽ. ബ്രൈറ്റ് ടു ബി ആഘോഷമാക്കിയിരിക്കുകയാണ് ഗോപിക. കുടുംബാംഗങ്ങൾക്കും ബന്ധുക്കൾക്കും ഒപ്പമാണ് ആഘോഷം.കേക്ക് മുറിച്ചും പാർട്ടി നടത്തിയും ആണ് ഗോപിക ആഘോഷം നടത്തിയത്.സിൽവർ നിറത്തിലുള്ള ബോഡി കോൺ ഷിമറി ഡ്രസ്സായിരുന്നു ​ഗോപികയുടെ വേഷം. ചിത്രങ്ങൾ ഇൻസ്റ്റാഗ്രാമിലൂടെ പങ്കുവെച്ചത്.‘‘മൈ ​ഗേൾ… എക്കാലത്തെയും സുന്ദരിയായ വധു… കൗണ്ട്ഡൗൺ ഔദ്യോഗികമായി ഓണ്‍’’… എന്നാണ് ചേച്ചിയുടെ ബ്രൈഡ് ടു ബി ചിത്രങ്ങൾ പങ്കിട്ട് കീർത്തന അനിൽ കുറിച്ചത്.

ചിത്രം പങ്കുവച്ചതിനു പിന്നാലെ നിരവധി പേരാണ് താരത്തിനു ആശംസകള്‍ നേർന്ന് എത്തിയത്. ജീവിതത്തിന്റെ ഏറ്റവും മനോഹരമായ നിമിഷത്തിലേക്കുള്ള ചുവടുവെയ്പ്പിന് ഒരായിരം മംഗളാശംസകൾ, വധുവിന് അഭിനന്ദനങ്ങൾ എന്നിങ്ങനെയാണ് കമന്റുകൾ.

കഴിഞ്ഞ വർഷം ഒക്ടോബര്‍ 23നാണ് വിവാഹ നിശ്ചയ ഫോട്ടോകള്‍ പങ്കുവച്ച് ജിപിയും ഗോപികയും വിവാഹവാർത്ത പുറത്തു വിട്ടത്

.മ്യൂസിക് വിഡിയോകളില്‍ അഭിനയിച്ച് കരിയര്‍ ആരംഭിച്ച ജിപി അവതാരകനായും നടനായും മലയാളികളുടെ ഇടയിൽ ശ്രദ്ധേയനാണ്. ബാലതാരമായി എത്തി സീരിയലിലൂടെ ജനപ്രിയ നായികയായി മാറിയ ആളാണ് ഗോപിക.