പമ്പയില്‍ നിലയ്ക്കലേക്ക് പോയ കെ.എസ്.ആര്‍.ടി.സി ബസ് കത്തി നശിച്ചു

പമ്പ: പമ്പയില്‍ കെ.എസ്.ആര്‍.ടി.സി ബസ് കത്തി നശിച്ചു. യാത്രക്കാര്‍ ഇല്ലാതിരുന്നതിനാല്‍ വന്‍ അപകടം ഒഴിവായി. പമ്പയില്‍നിന്ന് നിലയ്ക്കലേക്ക് പോയ ബസ് ആണ് കത്തി നശിച്ചത്. ഇന്ന് പുലര്‍ച്ചെ അട്ടത്തോടിനു സമീപമാണ് സംഭവം. ഡ്രൈവറും കണ്ടക്ടറും പരിക്കേല്‍ക്കാതെ രക്ഷപ്പെട്ടു.

നിലയ്ക്കലില്‍ നിന്നും ഭക്തരെ പമ്പയിലേക്ക് എത്തിക്കാന്‍ പുറപ്പെട്ട ബസ് ആണ് കത്തി നശിച്ചത്. ബസില്‍ യാത്രക്കാര്‍ ഉണ്ടായിരുന്നില്ല. ബസ് പൂര്‍ണമായും കത്തി നശിച്ചു. ഷോര്‍ട് സര്‍ക്യൂട്ട് ആണ് തീപിടിക്കാന്‍ കാരണം എന്നാണ് പ്രാഥമിക നിഗമനം.

മൂന്ന് യൂണിറ്റ് അഗ്‌നിശമന സേനയെത്തിയാണ് തീ അണച്ചത്.