വിഷ്ണുപ്രിയ കൊലക്കേസ്: പ്രതി ശ്യാംജിത്തിന് ജീവപര്യന്തവും, 10 വര്ഷം തടവും
- Kerala
dailyvartha.com
- 0
- 1 minute read
വിഷ്ണുപ്രിയ വധക്കേസില് പ്രതി ശ്യാംജിത്തിന് ജീവപര്യന്തം ശിക്ഷ. വീടിനകത്ത് അതിക്രമിച്ച് കയറിയതിന് 10 വര്ഷം തടവും വിധിച്ചു. രണ്ടേകാല് ലക്ഷം രൂപ പിഴ അടയ്ക്കണം. തലശേരി അഡീഷണല് ജില്ലാ സെഷന്സ് കോടതിയാണ് ശിക്ഷവിധിച്ചത്.
പ്രതി ശ്യാംജിത്ത് കുറ്റക്കാരനാണെന്ന് കഴിഞ്ഞ ദിവസം തലശ്ശേരി അഡീഷണല് ജില്ലാ സെഷന്സ് കോടതി കണ്ടെത്തിയിരുന്നു. തുടര്ന്നാണ് ശിക്ഷാവിധി ഇന്നത്തേക്ക് മാറ്റിവച്ചത്.
2022 ഒക്ടോബര് 22നായിരുന്നു കേസിന് ആസ്പദമായ സംഭവം. പാനൂരിലെ 23 കാരിയായ വിഷ്ണുപ്രിയയെ വീട്ടില് അതിക്രമിച്ച് കയറി ശ്യാംജിത്ത് കഴുത്തറുത്ത് കൊലപ്പെടുത്തുകയായിരുന്നു. മറ്റാരുമില്ലാത്ത സമയത്ത് വീട്ടില് അതിക്രമിച്ച് കയറിയ ചുറ്റിക കൊണ്ട് തലയ്ക്കടിച്ച് വീഴ്ത്തിയ ശേഷമാണ് കഴുത്തറുത്ത് കൊലപ്പെടുത്തിയത്.
വിഷ്ണുപ്രിയയുടെ ശരീരത്തിലാകമാനം 29 മുറിവുകളാണ് പോസ്റ്റ് മോര്ട്ടത്തില് കണ്ടെത്തിയത്. ഇതില് 10 മുറിവുകള് മരണത്തിന് ശേഷം ഏല്പ്പിച്ചതായിരുന്നു. വിചാരണ ഘട്ടത്തില് നിരവധി ശാസ്ത്രീയ തെളിവുകള് പ്രോസിക്യൂഷന് ഹാജരാക്കി. കുറ്റം തെളിയിക്കുന്നതില് കേരള പൊലീസിന്റെ അന്വേഷണമികവ് നിര്ണ്ണായകമായി കൊലപാതകം നടന്ന് മണിക്കൂറുകള്ക്കുള്ളില് തന്നെ പ്രതിയെ പൊലീസ് പിടി കൂടിയിരുന്നു. ഒന്നര മാസത്തിനകം കുറ്റപത്രം സമര്പ്പിച്ചു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര് കെ അജിത്കുമാറാണ് ഹാജരായത്.
