ഇടുക്കിയിൽ നടുറോഡില്‍ ഓട്ടോ ഡ്രൈവര്‍ക്ക് മര്‍ദനം

ഇടുക്കി: കട്ടപ്പനയില്‍ ഓട്ടോഡ്രൈവര്‍ക്ക് നടുറോഡില്‍ ക്രൂര മര്‍ദനം. പേഴുംകവല സ്വദേശി സുനില്‍കുമാറിനെയാണ് മൂന്നംഗ സംഘം മര്‍ദിച്ചത്. അക്രമികള്‍ ഇദ്ദേഹത്തെ റോഡിലിട്ട് മര്‍ദിക്കുന്ന ദൃശ്യങ്ങള്‍ പുറത്തുവന്നിട്ടുണ്ട്.

ആക്രമണത്തിനിടെ നിലത്തുവീണ സുനില്‍കുമാറിനെ വടി കൊണ്ടടിച്ചു മര്‍ദിക്കുകയായിരുന്നു. സാരമായി പരുക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചു. സംഭവത്തില്‍ പൊലിസ് കേസെടുത്ത് അന്വേഷണമാരംഭിച്ചു. സ്ഥലതര്‍ക്കമാണ് ആക്രമണത്തിനു പിന്നിലെന്നാണു സൂചന.