‘അധികാരത്തിലിരിക്കുന്ന എല്.ഡി.എഫ് എന്തിന് ഹര്ത്താല് നടത്തി?’; വിമര്ശനവുമായി ഹൈക്കോടതി
- Kerala
dailyvartha.com
- 0
- 1 minute read
കൊച്ചി: വയനാട്ടില് എല്.ഡി.എഫും യു.ഡി.എഫും നടത്തിയ ഹര്ത്താലിനെതിരെ കടുത്ത വിമര്ശനവുമായി ഹൈക്കോടതി. ഇത് നിരുത്തരവാദപരമായ സമീപനമാണെന്നും പെട്ടന്നുള്ള ഹര്ത്താല് അംഗീകരിക്കാനാകില്ലെന്നും ജസ്റ്റിസുമായ ജയശങ്കരന് നമ്പ്യാര്, വിഎ ശ്യാം കുമാര് എന്നിവര് അടങ്ങിയ ഡിവിഷന് ബഞ്ച് വ്യക്തമാക്കി.
ഹര്ത്താലിനെ എങ്ങനെ ന്യായീകരിക്കുമെന്ന് ചോദിച്ച ഹൈക്കോടതി അധികാരത്തിലിരിക്കുന്ന എല്.ഡി.എഫ് എന്തിനാണ് ഹര്ത്താല് നടത്തിയതെന്നും ചോദിച്ചു. വയനാട് ദുരന്തവുമായി ബന്ധപ്പെട്ട് സ്വമേധായ എടുത്ത കേസ് പരിഗണിക്കുന്നതിനിടെയാണ് കഴിഞ്ഞ ദിവസത്തെ ഹര്ത്താലിനെ കുറിച്ച് ഡിവിഷന് ബെഞ്ചിന്റെ നീരീക്ഷണം.
ഹര്ത്താല് മാത്രമാണോ ഏക സമരമാര്ഗമെന്നും ഹൈക്കോടതി ചോദിച്ചു. വലിയ ദുരന്തം സംഭവിച്ച മേഖലയിലാണ് ഹര്ത്താല് നടത്തിയത്. ദുരന്തമേഖലയിലെ ജനങ്ങളോടുള്ള ഈ സമീപനം നിരാശപ്പെടുത്തുന്നതെന്നും പറഞ്ഞു.
ഉരുള്പൊട്ടല് ദുരന്തത്തിലെ കേന്ദ്ര-കേരള സര്ക്കാരുകളുടെ വീഴ്ച്ചകള് ചൂണ്ടിക്കാട്ടിയാണ് യു.ഡി.എഫ് ഹര്ത്താലിന് ആഹ്വാനം ചെയ്തത്. നവംബര് 19 നായിരുന്നു വയനാട്ടില് ഹര്ത്താല്.
