സന്ദേശം’ കണ്ടതിന്റെ പിറ്റെ ദിവസം മുതൽ ജോലിക്ക് പോയി; 

സത്യൻ അന്തിക്കാട് സംവിധാനം ചെയ്ത ‘സന്ദേശം’ സിനിമ കണ്ടതിന്റെ പിറ്റെ ദിവസം മുതലാണ് താൻ ജോലിക്ക് പോയി തുടങ്ങിയതെന്ന് കോൺഗ്രസ് നേതാവും പ്രതിപക്ഷ നേതാവുമായ വിഡി സതീശൻ. തൃശൂരിൽ യൂത്ത്‌കോൺഗ്രസ് സംഘടിപ്പിച്ച കോൺഗ്രസിന്റെ 139 -ാം വാർഷികാഘോഷങ്ങളുടെ ഭാഗമായി സംഘടിപ്പിച്ച ചടങ്ങിൽ സംസാരിക്കുകയായിരുന്നു അദ്ദേഹം. 

സംവിധായകൻ സത്യൻ അന്തിക്കാടും ചടങ്ങിൽ പങ്കെടുത്തിരുന്നു. തൃശൂർ ജില്ലയിലെ യൂത്ത് കോൺഗ്രസിന്റെ പ്രഥമ ജനറൽ സെക്രട്ടറിയായിരുന്നു എൻജി ജയചന്ദ്രനെ ആദരിക്കുന്ന ചടങ്ങിലായിരുന്നു സതീശൻ സന്ദേശം സിനിമയുമായി ബന്ധപ്പെട്ട തന്റെ അനുഭവം തുറന്നുപറഞ്ഞത്.